“Mamlakatimizda bolalarning doridan zaharlanayotgani xayolimizga ham kelmagandi”. Elmira Bositxonova “Dok-1 Maks”dan vafot etganlarning ota-onalaridan uzr so‘radi 

Sog‘liqni saqlash vaziri o‘rinbosari Elmira Bositxonova “Dok-1 Maks” ishini ko‘rib chiqayotgan sudda guvoh sifatida ko‘rsatma berdi. Bu haqda sudda qatnashgan “Daryo” muxbiri xabar berdi. 

Sog‘liqni saqlash vaziri o‘rinbosari Elmira Bositxonova 2023-yil 27-oktyabr kuni bo‘lib o‘tgan navbatdagi sud majlisiga chaqirilib, sudda so‘roq qilindi. 

Sudda guvoh sifatida ko‘rsatma bergan vazir o‘rinbosari sud yakunida “Dok-1 Maks”dan vafot etgan bolalarning ota-onalariga murojaat qilib, ulardan uzr so‘radi.

Bolalar bilan shug‘ullangan o‘zim boshchiligidagi har bir shifokor sizlar bilan baravar dard chekdik, o‘lib-tirildik, hamma harakatni qildik. Kovidning yangi turi deb, mamlakatimizda bolalar doridan zaharlanayotgani hatto xayolimizga ham kelmagani uchun barchangizdan uzr so‘rayman. Va shifokorlar barcha harakatni qilganini, shifokorlar qaysidir harakati noto‘g‘ri qilgan degan gumon bo‘lmasligini iltimos qilgan bo‘lardim, — dedi Elmira Bositxonova.