“Buxoro”—“Paxtakor” o‘yinida penalti noto‘g‘ri belgilangan deb topildi, uchrashuvda ishlagan ikki nafar hakam noma’lum muddatga chetlatildi 

Futbol bo‘yicha O‘zbekiston Superligasining 23-turida “Paxtakor” “Buxoro”ga qarshi bahs (1:0) olib bordi.

Uchrashuvning 90+5-daqiqasida yuzaga kelgan bahsli vaziyatdan so‘ng uchrashuv VAR hakamlari bosh hakam Ravshan Abduvohidovni monitor yoniga chaqirdi va takrorlarni ko‘rib chiqishga chorladi. Shundan so‘ng bosh hakam 11 metrli jarima zarbasi belgiladi. Dragan Cheran penaltini noaniq amalga oshirdi va qaytgan to‘p yana uning o‘ziga tushdi. Natijada Cheran darvozani ishg‘ol qildi. 

O‘yin taqdirini hal qilgan ushbu vaziyat bo‘yicha Ekspert-hakamlar komissiyasining favqulotda yig‘ilishi tashkil qilindi va mutaxassislarning umumiy xulosasi olindi. 

Mazkur vaziyatda video assistentlar bosh hakamni VAR protokoliga ko‘ra noto‘g‘ri chaqirdi. Aslida bunday vaziyatga VAR aralashishi kerak emasdi. Bundan tashqari, videotakrorlarda qoidabuzarlikni aniq qayd etish uchun yetarli dalillar bo‘lmagani bois, ekspertlar bir ovozdan penaltining ham noto‘g‘ri belgilanganini qayd etishdi.

Natijada, bosh hakam Ravshan Abduvohidov va VAR hakami Nayim Qosimovning VAR litsenziyalari qaytarib olindi. Ularning ishi O‘FA futbol faoliyatini nazorat qilish bo‘yicha maxsus inspeksiyasiga oshirildi. Shuningdek, ikkala hakam ham nomuayyan muddatga hakamlikdan chetlatildi.

Ekspert-hakamlar komissiyasi bayonoti