Bo‘stonliq tumaniga olib boruvchi avtomobil yo‘lidagi ko‘prik 25 kunga yopildi
Toshkent viloyati Bo‘stonliq tumaniga olib boruvchi avtomobil yo‘lidagi ko‘prik 25 kunga yopildi. Bu haqda viloyat IIBB YHXB matbuot xizmati ma’lum qildi.
Davlat ahamiyatiga ega bo‘lgan 4R12 Bektemir-Chorbog‘ qo‘rg‘oni avtomobil yo‘lining 32-kilometrida (Bo‘stonliq va Yuqorichirchiq tumanlari chegarasida joylashgan ko‘prik) joylashgan ko‘prikning Chorbog‘—Toshkent yo‘nalishidagi qismi ta’mirlash ishlari olib borilayotgani sababli 25 kunga yopildi.
Toshkent—Chorbog‘ yo‘nalishdagi qismida esa qarama-qarshi harakat tashkil etildi. Hozirda shu sababli ham dam olish kunlarining ayrim vaqtlarida Chorbog‘—Toshkent yo‘nalishida tirbandliklar yuzaga kelmoqda.
IIBB YHXB haydovchilardan vaziyatdan kelib chiqib harakatlanishlarini, shaningdek, YPX inspektorlari va yo‘l belgi talablariga bo‘ysunishlarini so‘radi.
