Misr evakuatsiya maqsadida G‘azo bilan chegaradagi Rafah punktini ochdi (video)
G‘azo sektori va Misr o‘rtasidagi Rafah nazorat-o‘tkazish punkti cheklangan evakuatsiya uchun ochildi. Bu haqda Al Jazeera xabar berdi.
Uchinchi davlat fuqarolari ushbu nazorat punkti orqali sektorni tark etishi mumkin. Misr Rafah orqali 90 ga yaqin yaralangan falastinlik va 450 ga yaqin xorijlikni o‘tkazish niyatida. Misr tomonida tez yordam mashinalari sektorga kirishni boshlagan.
The Wall Street Journal manbasiga tayanib, Misr G‘azo sektoridan 400 nafargacha xorijlik fuqarolarni qabul qilishi mumkinligi haqida xabar berdi. Ismi oshkor etilmagan Misr rasmiysiga ko‘ra, AQSH va Isroil bilan xorijliklar va og‘ir yaralangan falastinliklarga sektorni tark etish imkonini beruvchi kelishuvga erishildi.
G‘azo sektori chegara politsiyasi 1-noyabr kuni ertalab HAMAS Avstriya, Avstraliya, Bolgariya, Indoneziya, Iordaniya, Finlyandiya, Chexiya va Yaponiya fuqarolariga G‘azo sektorini tark etishiga ruxsat berishini ma’lum qildi.
