Saudiya Professional Ligasi. Ronaldu va Lyaportning gollari “An-Nassr”ga g‘alaba olib keldi (video)

Futbol bo‘yicha Saudiya Arabistoni chempionatining 12-turida “An-Nassr” 4-noyabr, shanba kuni “Al-Halij” bilan bahs olib bordi.

Uchrashuvning 14-daqiqasida Sadio Mane raqib darvozasini ishg‘ol qilgandi. Biroq gol o‘yindan tashqari holat tufayli bekor qilindi. 26-daqiqada Krishtianu Ronaldu uzoqdan berilgan ajoyib zarba evaziga darvozani ishg‘ol etdi.

58-daqiqada Lyaport jarima zarbasidan uzatilgan to‘pni darvozaga joylab qo‘ydi. Qolgan daqiqalarda darvozalar ishg‘ol etilmadi va Ar-Riyod klubi ishonchli g‘alabani rasmiylashtirdi.

Saudiya Professional Ligasi

12-tur bahsi

4-noyabr, shanba

“An-Nassr” – “Al-Halij” 2:0

Gollar: 1:0 – 26 Ronaldu, 2:0 – 58 Lyaport.

“An-Nassr”: Al-Akidi, Lyaport, Al-Amri, Telles, Brozovich, Otavio, Fofana (Al-Sulayhim, 74), Al-Haybari (Al-Hassan, 45), Mane (Al-Gannam, 85), Garib (Yahyo, 86), Ronaldu.

“Al-Halij”: Al-Haydari, Lopes, Al-Hamsal (Al-Haydar, 77), Al-Khubrani, Reboshu, Chjon U Yen (Al-Abdan, 77), Narey, Hamzi (Abdulelah, 64), Ivu Rodrigesh, Sherif (Al-Salem, 86), Fabiu Martinsh.

Ogohlantirishlar: Fabiu Martinsh (19), Al-Hamsal (21), Garib (79).