O‘zbekistonning Polshadagi yangi elchisi tayinlandi

Amirsaid Agzamxo‘jayev O‘zbekistonning Polshadagi elchisi etib tayinlandi. Bu haqda “Dunyo” AA xabar berdi.

U shu paytga qadar TIVning Konsullik-huquqiy departamentida, O‘zbekistonning Istanbul shahridagi bosh konsulligi konsuli bo‘lib ishlagan, 2020-yildan beri esa  bosh konsullikka rahbarlik qilgan. Diplomat 38 yoshda. Toshkent davlat jahon tillari universitetini tamomlagan.

Amirsaid A’zamxo‘jayev 2015-yildan boshlab O‘zbekistonning Polshadagi muvaqqat ishlar vakili va 2019-yildan favqulodda va muxtor elchi vazifasida ishlagan Bahrom Boboyev o‘rniga tayinlandi.