La Liga. “Real” o‘z maydonida “Valensiya”ni tor-mor etdi 

Futbol bo‘yicha Ispaniya La Ligasining 13-turida “Real” 11-noyabr, shanba kuni “Valensiya”ga qarshi bahs olib bordi. 

Uchrashuv madridliklarning 5:1 hisobidagi g‘alabasi bilan yakunlandi. “Qaymoqranglilar” safida Dani Karvaxal bitta gol urgan bo‘lsa, Rodrigo va Vinisius Junior ikki martadan raqib darvozasini ishg‘ol qildi. “Ko‘rshapalaklar” tarkibida Hyugo Duro yagona gol muallifiga aylandi.

“Real” ushbu g‘alabadan so‘ng ochkolari sonini 32 taga yetkazdi va musobaqa jadvalida 2-o‘rinda bormoqda.

La Liga

13-tur bahsi

11-noyabr, shanba

“Real Madrid” – “Valensiya” 5:1

Gollar: 1:0 – 3 Karvaxal, 2:0 – 42 Vinisius Junior, 3:0 – 49 Vinisius Junior, 4:0 – 50 Rodrigo, 5:0 – 84 Rodrigo, 5:1 – 88 Duro.

“Real Madrid”: Lunin, Karvaxal (Pas, 82), Alaba, Nacho, Mendi (Fran Garsiya, 71), Valverde (Modrich, 60), Braim Dias (Vaskes, 71), Kroos, Kamavinga, Vinisius Junior (Xoselu, 82), Rodrigo.

“Valensiya”: Mamardashvili, Tyerri Korreyya (Fulke, 55), Gabriel Paulista, Moskera, Gayya (Gasorovski, 55), Kanos (Gilyamon, 64), Pepelu (Yaremchuk, 70), Fransisko Peres (Ugo Gonsales, 70), Gerra, Duro, Diego Lopes.

Ogohlantirishlar: Pepelu (34), Fulke (56), Kamavinga (62), Gabriel Paulista (67).