AQSHda sodir bo‘lgan otishmada uch ayol va 13 yoshli qiz halok bo‘ldi

Amerikaning Tennessi shtati Memfis shahrida bir necha joylarda sodir bo‘lgan otishmalar natijasida uch ayol va 13 yoshli qiz halok bo‘ldi, deya xabar bermoqda CNN politsiyaga tayanib.

Shuningdek, otishma oqibatida yana bir o‘smir yaralangan. Gumonlanuvchini qidirish ishlari olib borilmoqda.

Fox News politsiyaga iqtibos keltirgan holda xabar berishicha, qidiruv paytida gumonlanuvchi Mavis Kristian ismli shaxs mashina ichida o‘lik holda topilgan, dastlabki ekspertiza u o‘z joniga qasd qilganligini ko‘rsatmoqda.

CNN telekanalining xabarlarida otishma sabablarida biri oiladagi zo‘ravonlik bo‘lishi mumkinligi ko‘rsatib o‘tilgan.