Zelenskiy Ukraina qurolli kuchlari haqida kutilmagan bayonot berdi
Agar G‘arb Ukrainani qo‘llab-quvvatlashni to‘xtatsa, mamlakat qurolli kuchlari chekinishiga to‘g‘ri keladi, deb yozdi Bloomberg Vladimir Zelenskiyning so‘zlariga tayanib.
Ukraina prezidenti, shuningdek, G‘arb o‘z e’tiborini Isroil va HAMAS o‘rtasidagi urushga qaratgani Kiyevga artilleriya snaryadlarini yetkazib berishni susaytirgani, Ukraina Qurolli kuchlari harbiy salohiyatiga putur yetkazganini tan olgan.
“Hozir bor e’tiborimni G‘arbdan yordam olishga qaratganman. Ularning diqqati Yaqin Sharqdagi vaziyat va boshqa sabablarga ko‘ra bo‘lingan. Ularning yordamisiz biz chekinamiz”, — degan Zelenskiy Kiyevdagi ofisida bir guruh jurnalistlarga.
Uning so‘zlariga ko‘ra, Kiyevda 155 millimetrli snaryadlarning keskin tanqisligi kuzatilmoqda, hozirda ularni yetkazib berish sezilarli darajada kamaygan.
G‘arb ommaviy axborot vositalari AQSH va Yevropa Ittifoqi Ukraina mojarosidan charchay boshlagani, Zelenskiy rejimini qo‘llab-quvvatlash zaiflashayotgani haqida tobora ko‘proq yozmoqda.
NBC xabariga ko‘ra, Amerika va Yevropa rasmiylari allaqachon Kiyev bilan Rossiya bilan tinchlik muzokaralarining ehtimoliy oqibatlarini, jumladan, kelishuvga erishish uchun Ukraina nimadan voz kechishi mumkinligini muhokama qilmoqda.
