HRW: “Tolibon” yetakchilari ayollarga nisbatan jinsiy xarrasment uchun javobgarlikka tortilishi kerak 

Human Rights Watch (HRW) tashkiloti “Tolibon” yetakchilari ayollarga nisbatan jinsiy xarrasment (tegajog‘lik, shilqimlik) jinoyati uchun javobgarlikka tortilishi kerakligini ma’lum qildi. Bu haqda Hasht-e Subh Daily xabar berdi.

HRWning ta’kidlashicha, Afg‘onistondagi ayollar va qizlar “kuzatuv va xarrasment”ga duchor bo‘lib, ta’lim olish imkoniyatidan mahrum. “Tolibon” hukmronligidan beri Afg‘onistonda ayollariga nisbatan cheklovlar o‘rnatish yuqori darajaga chiqqan. Jumladan, ayollarga nisbatan joriy qilingan taqiqlar quyidagilar:

• afg‘onistonlik ayollarning BMT idoralarida ishlashi;
• erkaklarga ayollar uchun kiyim tikish;
• ayollarning erkak shifokorlarga borishi; 
• ayollarning shifoxonaga yolg‘iz borishi;
• istirohat bog‘iga tashrif buyurishi,
• oilalar va ayollarning bog‘lari yoki yashil hududlari bo‘lgan restoranlarga kirishi,
• ayollar ovozi eshitilgan reklamalarni efirga uzatish taqiqlangan.

Tashkilot holat yuzasidan “Tolibon” yetakchilarini ayollarga nisbatan jinsiy xarrasment sababli javobgarlikka tortishga chaqirmoqda.