Messi va Ronaldu yana bir-biriga to‘qnash keladi. “Inter Mayami” “An-Nassr” bilan bir turnirda ishtirok etadi 

Lionel Messi to‘p suradigan “Inter Mayami” va Krishtianu Ronaldu jamoasi “An-Nassr” 2024-yil fevralda bir-biriga qarshi o‘ynaydi.

“Inter Mayami” “An-Nassr” va “Al-Hilol” ishtirok etadigan Riyadh Season Cup turnirida qatnashishga rozilik bildirdi. 

O‘yinlar liga formatida tashkil etiladi. Musobaqa Ar-Riyodda fevralning birinchi haftasida o‘tkaziladi. 

Turnir press-relizida “so‘nggi raqs” deb yozilgan.

Lionel Messi va Krishtianu Ronaldu so‘nggi bor yanvar oyida Ar-Riyod yulduzlari va “PSJ” o‘rtasidagi o‘rtoqlik o‘yinida to‘qnash kelgandi. O‘shanda parijliklar 5:4 hisobida g‘alaba qozongan edi.