Buxorodagi bog‘chada tarbiyachi 2 yoshli bolani kaltakladi (video) 

Buxoro viloyati Kogon shahrida bog‘chada 2 yoshlik bola kaltaklangani aks etgan video tarqaldi. Bolalar ombudsmani holat yuzasidan tushuntirish berdi.

Aniqlanishicha, joriy yilning 20-noyabr kuni voyaga yetmagan 2021-yilda tug‘ilgan O‘.Q.ning onasi uni mazkur maktabgacha ta’lim tashkilotiga birinchi marta olib kelgani sababli, bolasi injiqlik qilib yig‘lagani vaji bilan muassasa tarbiyachisi N.A. bolani urgan.

Hozirda ushbu voqea yuzasidan Kogon shahar IIB tomonidan tergovga qadar tekshiruv harakatlari olib borilmoqda. Voyaga yetmagan O‘.Q.ga nisbatan sudga oid tibbiy ekspertiza tayinlangan. Hozirda N.A.ning harakatlariga huquqiy baho berish masalasi o‘rganilmoqda.