Makron Fransiyada ayollarga nisbatan zo‘ravonlikni yo‘q qilmoqchi

Fransiya prezidenti Emmanuel Makron mamlakatda ayollarga nisbatan zo‘ravonlikka chek qo‘yish niyatida ekanini ma’lum qildi va ularga yordam berish choralarini ma’lum qildi. Bu haqda u X (sobiq Twitter) ijtimoiy tarmog‘ida e’lon qilingan videomurojaatida ma’lum qildi.

Makronning ta’kidlashicha, ayollar har kuni yomon muaomalar, ta’qib va ​​zo‘ravonlikka duchor bo‘ladi.

“Biz bunga chek qo‘yishimiz mumkin va kerak, biz shunday qilamiz”, — dedi Fransiya rahbari Xalqaro ayollarga qarshi zo‘ravonlikka barham berish kuni munosabati bilan mamlakat fuqarolariga murojaatida.

U huquq-tartibot idoralari “2022-yilda 244 ming oilaviy zo‘ravonlik holatini qayd etgani, bu 2017-yilga nisbatan ikki barobar ko‘p”ligini ta’kidladi.

Makron bunday raqamlar ayollarning zo‘ravonlik haqida gapirishda erkinroq bo‘lganini ko‘rsatishini ta’kidladi.

“Ammo bu 2022-yilda 118 nafar ayol o‘z juftlari qo‘lidan halok bo‘lgani haqidagi haqiqatni o‘zgartirmaydi”, — deya qo‘shimcha qildi u.

Shuningdek, Makron ayollarga yordam berish choralarini ham e’lon qildi. Xususan, huquq-tartibot idoralari tomonidan oilaviy zo‘ravonlik sodir etgan shaxslar kiritiladigan ma’lumotlar bazasi yaratiladi. Bundan tashqari, 1-yanvardan Fransiyada hayotiy qiyin vaziyatga tushib qolgan zo‘ravonlik qurbonlariga moddiy tovon puli to‘lanadi.