HAMAS tomonidan ozod qilinganlar qanday sharoitda yashaganini aytib berdi
HAMAS tomonidan ozod qilingan isroillik garovga olinganlar qanday sharoitda yashaganlari haqida gapirib berdi. Bu haqda BBC xabar berdi.
Ularning so‘zlariga ko‘ra, barcha garovga olinganlar guruhlarga bo‘lingan va har bir guruhning o‘ziga xos yashash sharoiti bo‘lgan. Ulardan biri deyarli butun asirlik vaqtini yer ostidagi tunnelda o‘tkazgan, u yerda oziq-ovqat kam bo‘lib, kunduzi deyarli yorug‘lik bo‘lmagan.
Bu guruhdagi garovga olinganlarning aytishicha, so‘nggi ikki hafta davomida yagona taom guruch bo‘lgan. Boshqalar quruqlikdagi boshpanalarda yashagan; ularning sharoitlari yaxshiroq bo‘lgan, lekin Isroil havo hujumlari xavfi yuqori edi.
Ozod qilinganlarning ayrimlari Isroil matbuotidagi xabarlarni kuzatgan. Misol uchun, 9 yoshli Ohad Mondar Isroil telekanallaridan birida uning nomiga tug‘ilgan kun tabriklarini eshitgan.
