Rus harbiylarining kunlik yo‘qotishlari o‘rtacha 931 kishini tashkil etadi — Britaniya razvedkasi

2023-yilning noyabr oyi davomida rossiyalik harbiylarning yo‘qotishlari kuniga o‘rtacha 931 kishini tashkil etgan. Bu haqda Britaniya harbiy razvedkasiga tayanib, BBC xabar berdi.

So‘nggi olti hafta ichida Rossiya armiyasi yo‘qotishlari butun urush davomida eng yuqori ko‘rsatkichni qayd etdi. Ilgari Rossiya eng yuqori yo‘qotishlarni 2023-yil mart oyida Baxmutga hujum chog‘ida ko‘rgan. O‘shanda kunlik yo‘qotishlar o‘rtacha 776 kishini tashkil etgan.

“Britaniya harbiy razvedkasi halok bo‘lganlar va yaradorlarning umumiy sonini hisoblash metodologiyasini tasdiqlay olmasa-da, bu raqamlar ishonchli ko‘rindi”, — deyiladi xabarda.

Hozirgi katta yo‘qotishlarga asosan Rossiyaning Avdeyevka shahriga hujumi sabab bo‘lmoqda.