O‘zbekistonda dam olish kunlari havo iliq bo‘ladi
Bugun va dam olish kunlari O‘zbekiston hududi bo‘ylab havo ba’zi joylarda o‘zgarib turadi, yog‘ingarchilik kutilmaydi, deb xabar bermoqda “O‘zgidromet”.
Havo harorati asta-sekin ko‘tarila boshlaydi. 1-dekabr kuni kunning ikkinchi yarmida havo harorat 10-15 darajagacha, shanba va yakshanba kunlari 15-18 darajagacha iliq bo‘ladi. Harorat kechasi 2-7 daraja iliq atrofida bo‘ladi.
Shamol sharqdan 7-12 metr/sekund tezlikda esadi. Kechasi va ertalab respublikaning ba’zi joylarida tuman tushadi.
Toshkentda juma va dam olish kunlari havo o‘zgarib turadi, yog‘ingarchilik kutilmaydi. 1—2-dekabrda kechasi va ertalab tuman tushadi. Shamol sharqdan 3-8 metr/sekund tezlikda esadi. Harorat kechalari 5-7 daraja iliq, kunduzi 1-dekabrda 13-15 daraja , 2—3-dekabrda 15-17 daraja iliq bo‘ladi.
“O‘zgidromet” dekabr oyi qish uchun xos bo‘lmagan iliq ob-havo bilan boshlanishi, bu oyning birinchi haftasi yog‘ingarchiliksiz bo‘lishini avvalroq ma’lum qilgandi.
