Bundan oldin Farg‘onada ohak sexini umumiy foydalanishdagi gaz tarmog‘iga o‘g‘rilik yo‘li bilan ulab, jami 168,5 million so‘mlik tabiiy gazdan noqonuniy foydalangan shaxs aniqlangan edi. Shuningdek, Namangan shahrida ohak pishirish xo‘jaligi 4 milliard so‘mdan ortiq tabiiy gazdan noqonuniy foydalanib kelgani, Jizzaxda ohak ishlab chiqarish sexi 330 mln so‘mlik gazdan noqonuniy foydalangani to‘g‘risida xabar berilgandi.
Andijonda issiqxonani hujjatsiz gazga ulaganlar davlatga salkam yarim milliard so‘m zarar yetkazdi
Andijon, Namangan va Surxondaryo viloyatlarida tabiiy gaz hamda elektr tarmoqlariga noqonuniy ulanish holatlari fosh etildi, deb xabar beradi Bosh prokuratura huzuridagi departament.
Ma’lum qilinishicha, departamentning Buloqboshi tuman bo‘limi tomonidan tuman gaz taʼminoti bo‘limi xodimlari bilan hamkorlikda tezkor tadbir o‘tkazilgan. Tadbirda fuqarolar U.D. va N.K. “B.” MFY hududidagi issiqxonani hech qanday hujjatsiz tijorat maqsadida umumiy foydalanishdagi gaz tarmog‘iga o‘g‘rilik yo‘li bilan ulab, 321,5 ming kub tabiiy gazdan noqonuniy foydalanganliklari oqibatida davlat va jamiyat manfaatlariga 482,3 million so‘m zarar yetkazilgani aniqlangan.
Shu kabi, departamentning Yangi Namangan tuman bo‘limi tomonidan o‘tkazilgan tergovga qadar tekshiruvda fuqaro E.A. o‘ziga tegishli savdo do‘konida hech qanday hujjatsiz umumiy foydalanishdagi elektr tarmog‘iga tijorat maqsadida o‘zboshimchalik bilan ulanib, jami 311,8 million so‘mlik elektr energiyasidan noqonuniy foydalangani ma’lum bo‘lgan.
Departamentning Sho‘rchi tuman bo‘limi tomonidan ETK xodimlari bilan hamkorlikda o‘tkazilgan tergovga qadar tekshiruvda “T.T.” MCHJ masʼul shaxslari tosh maydalovchi uskunasining elektr hisoblagich tamg‘asini buzib, jami 122,3 million so‘mlik elektr energiyasidan noqonuniy foydalangani aniqlangan.
Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.
Mavzuga doir
Izoh
Kirish
Asosiy yangiliklar