O‘zbekistonda texnik tekshiruvlar sabab yo‘lovchi poyezdlar o‘z vaqtidan kechikib harakatlanishi mumkinligi aytildi

“O‘ztemiryo‘lyo‘lovchi” poyezdlarning belgilangan manzilga kechikib yetib borishi mumkinligi sabab yo‘lovchilarga murojaat bilan chiqdi.

Qayd etilishicha, temir yo‘l transportidan foydalanayotgan yo‘lovchilarni manzillariga xavfsiz yetkazish maqsadida yo‘lovchi poyezdlar harakat oldidan texnik ko‘rikdan o‘tkaziladi.

O‘zbekistonda hududida kuzatilayotgan sovuq anomal ob-havo tufayli texnik tekshiruvlar cho‘zilishi kuzatilmoqda.

“Natijada yo‘lovchi poyezd o‘z vaqtidan kechikib harakatlanyapti. Yo‘lovchilardan holatni to‘g‘ri tushunishlarini so‘rab qolamiz. Keltirilgan noqulayliklar uchun uzr so‘raymiz”, — deyiladi xabarda.

Avvalroq O‘zbekistonda talabalarga poyezd chiptalari uchun 50 foizli chegirma e’lon qilingani, Toshkentdan bir nechta viloyatlarga qo‘shimcha poyezdlar qo‘yilishi to‘g‘risida xabar berilgandi.