Ukrainada ayollar ham harbiy xizmatga chaqirilishi mumkin

Ukraina Oliy Radasida safarbarlik to‘g‘risidagi yangi qonun loyihasi tayyorlandi.

Bu haqda Oliy Radaning “Xalq xizmatkori” partiyasi deputati, Milliy xavfsizlik, mudofaa va razvedka qo‘mitasi aʼzosi Maryana Bezuglaya maʼlum qilgan.

Uning so‘zlariga ko‘ra, yangi loyihada chaqiruv yoshi 27 yoshdan 25 yoshgacha qisqartirilgan, shuningdek, ayollarni muddatli harbiy xizmatga chaqirish ham ko‘zda tutilgan.

Yangi loyihada ayollar Mudofaa vazirligi tomonidan belgilangan tartibda harbiy ro‘yxatga olinadi. Harbiy harakatlarda ishtirok etish uchun dastlabki harbiy tayyorgarlikdan o'tadi.

Deputatning qo‘shimcha qilishicha, yangi qonun loyihasida uzoq vaqt jangovar zonada bo‘lgan harbiy xizmatchilar uchun tanaffus muddati ham ko‘zda tutilgan.