Toshkentda og‘ir va o‘ta og‘ir jinoyatda gumonlanayotganlar qidirilmoqda

Toshkent shahar IIBB og‘ir va o‘ta og‘ir jinoyat sodir etishda gumonlanib, tergovdan qochib yashiringan shaxslarni qidiruvga berdi.

Ma’lum qilinishicha, quyidagi uch kishi qidiruvga berilgan:

• 1982-yilda tug‘ilgan Umarov Rustamjon To‘lanboyevich;
• 1990 yilda tug‘ilgan Abdullayev Akromjon Baxtiyorovich;
• 1995 yilda tug‘ilgan Pattayev Toxirjon Xakimboy o‘g‘li.

Ko‘rilgan tezkor chora-tadbirlar natijasida qidiruvdagi Rustamjon Umarov ushlangan Qolgan ikki nafar gumon qilinuvchilar qidiruvi davom etmoqda.

“Hurmatli fuqarolar, agar siz ushbu shaxslarni ko‘rsangiz yoki ular haqida biror ma’lumotga ega bo‘lsangiz zudlik bilan Toshkent shahar IIBBning 71-206-45-69, 71-206-49-46 yoki 102 raqamlariga yoxud 98-364-02-03 Telegram raqamiga xabar berishingizni so‘raymiz. Murojaatchining shaxsi sir saqlanishi kafolatlanadi”, — deyiladi xabarda.