Qashqadaryoda maktab direktori voyaga yetmagan o‘quvchisini kelin qilgani aytilmoqda (video)
Qashqadaryo viloyatida maktab direktori voyaga yetmagan o‘quvchisini kelin qilgani aytilgan video tarqaldi. Viloyat Maktabgacha va maktab ta’limi boshqarmasi holat yuzasidan ma’lumot berdi.
Qayd etilishicha, Koson tumanidagi 59-maktab direktori R.S. haqiqatan ham joriy yilning 27-noyabr kuni farzandi X.X.ning to‘y marosimini o‘tkazgan. Videolavhadagi jarayonda direktorning kelini B.N. hozirda umumiy o‘rta ta’lim maktabi o‘quvchisi emasligi ma’lum bo‘ldi.
8-sinf o‘quvchilarining 9 nafari oilali ekani aytilgan xabarlar ham o‘z tasdig‘ini topmadi. Qashqadaryo viloyat Maktabgacha va maktab ta’limi boshqarmasi mas’ul xodimlari Koson tumanidagi 59-maktabning 8-sinf o‘quvchilarining 14 nafar onalari bilan suhbatlari tashkil etildi. Ota-onalari ushbu xabarlar haqiqatga yaqin emasligini, kelgusida huquqni muhofaza qiluvchi organlarga murojaat qilishini ma’lum qildi.