Toshkentda juda ko‘p miqdorda tovlamachilikda gumonlanayotgan to‘rt kishi qidiruvga berildi
Toshkent shahar IIBB juda ko‘p miqdorda tovlamachilikda gumonlanayotgan to‘rt kishiga qidiruvga berilganini e’lon qildi.
Ma’lum qilinishicha, poytaxt IIBB huzuridagi Tergov boshqarmasi tomonidan Jinoyat kodeksining 165-moddasi 3-qismi (juda ko‘p miqdorda tovlamachilik) bilan tergov qilinayotgan jinoyat ishi bo‘yicha quyidagi shaxslar tergovdan qochib yashiringanligi aniqlangan:
- 1994-yilda tug‘ilgan Mamajonov Doniyor Dilmurodjon o‘g‘li;
- 1985-yilda tug‘ilgan Muhamedov Abdulla Abduraxmanovich;
- 1992-yilda tug‘ilgan Soliyev Jamshid Abdulazizovich;
- 1964-yilda tug‘ilgan Isamitdinov Xusan Xashimovich.
Tergov tomonidan ushbu shaxslarga nisbatan qidiruv e’lon qilinib, sirtdan qamoqqa olish ehtiyot chorasi qo‘llangan.
.jpg)
Ushbu shaxslar haqida biror ma’lumotga ega bo‘lgan yoki ulardan jabr ko‘rgan yoxud ushbu shaxslar jinoiy xatti-harakatlari bo‘yicha xabar topgan fuqarolardan Toshkent shahar IIBBning 71-206-45-69, 71-206-49-46 yoki 102 raqamlariga, 99-370-73-94 Telegram raqamiga murojaat qilish so‘ralgan. Murojaatchining shaxsi sir saqlanishi kafolatlanadi.
