Hindiston Ukrainaga artilleriya o‘q-dorilari yuborganini inkor qildi

Hindiston tomoni Ukrainaga artilleriya o‘q-dorilarini yubormagan. Bu haqda Nyu-Dehlidagi brifingda Hindiston Tashqi ishlar vazirligi rasmiy vakili Randhir Jaysval ma’lum qildi.

“Biz Ukrainaga artilleriya o‘q-dorilarini jo‘natmaganmiz, buni qat’iy aytishimiz mumkin”, — dedi u.

Avvalroq Rossiya va Ukrainaning ayrim OAV Ukraina armiyasi Hindistonda ishlab chiqarilgan o‘q-dorilardan foydalana boshlagani haqida xabar bergan edi.

Ular Ukraina Qurolli kuchlari harbiy xizmatchisi tomonidan ijtimoiy tarmoqlarda tarqalgan videodan kelib chiqib shunday xulosaga kelishgan: videoda Hindistonda ishlab chiqarilgan 155 millimetrli snaryad tasvirlangandi.