Ruminiya NATO dasturi doirasida 200 ta Patriot raketasini sotib oladi
Ruminiya NATO dasturi doirasida qiymati 1 milliard dollardan ortiq bo‘lgan 200 ta Patriot raketasini sotib oladi, dedi Ruminiya mudofaa vaziri Anxel Tilvar.
Avvalroq NATOning ta’minot bo‘yicha agentligi (NSPA) ittifoq mamlakatlari, jumladan, Germaniya, Niderlandiya, Ruminiya va Ispaniyaga umumiy shartnoma asosida Amerikaning Patriot zenit-raketa komplekslari uchun 1000 ta snaryadni birgalikda sotib olishga yordam berishini maʼlum qilgandi.
“Milliy Mudofaa vazirligi (MND) Ruminiya parlamentidan ushbu qo‘shma xaridlar dasturida ishtirok etish uchun ruxsat so‘radi va ijozat oldi, armiyamizning jangovar zaxiralarini to‘ldirishga mo‘ljallangan 200 ta Patriot raketalarining umumiy smeta qiymati 1,09 mlrd yevro, qo‘shilgan qiymat solig‘ini hisobga olmaganda.
Bu xarid NATO mintaqada xavfsizlikni ta’minlash uchun moslashtirilgan adekvat yechimlarga ega ekanligini ko‘rsatadi”, — deya Tilvar so‘zlaridan iqtibos keltiradi Ruminiya Mudofaa vazirligi matbuot xizmati.
Ruminiya vaziri Buxarest zamonaviy harbiy texnika va o‘q-dorilarni olish uchun zarur choralarni ko‘rishda davom etishini ta’kidladi.
