Yaponiyadagi zilzila qurbonlari soni 84 kishiga yetdi (foto)
Yaponiyada 1-yanvar kuni yuz bergan kuchli zilzila oqibatida 84 kishi halok bo‘ldi. Bu haqda mahalliy rasmiylarga tayanib, NHK xabar berdi.
7,6 magnitudali zilzila Isikava prefekturasining Vajima shahrida keng ko‘lamli vayronagarchilik va yong‘inlarga sabab bo‘ldi, davomli silkinishlar 72 soatdan buyon davom etayotgan qutqaruv ishlariga to‘sqinlik qildi. Isikava prefekturasida yetti qavatli bino qulab tushgan, markaziy hududda kuchli yong‘in sodir bo‘lib, 200 dan ortiq binolarni qamrab olgan.
Zilzila tufayli Niigata, Toyama, Fukui va Gifu prefekturalarida ham vayronagarchiliklar qayd etilgan. Kamida 305 nafar prefektura aholisi jiddiy jarohat olgan. Isikava prefekturasidagi kamida 261 ta uyga zarar yetgan, 51 kishi berdarak yo‘qolgan. Tabiiy ofatdan jami 339 kishi jabr ko‘rgani taxmin qilinmoqda.
Qidiruv-qutqaruv operatsiyasi davom etmoqda, unga favqulodda xizmatlar, politsiya va mudofaa kuchlari askarlari jalb etilgan.
