Yaponiyada sodir bo‘lgan zilzila oqibatlari — suratlarda
Yaponiyaning Ishikava shahrida 1-yanvar kuni kuchli zilzila sodir bo‘ldi, uning epimarkazi Noto yarim orolida, silkinishlar o‘chog‘i esa 10 kilometr chuqurlikda joylashgan. Hokkaydodan Kyusyugacha kuzatilgan silkinishlar magnitudasi taxminan 6-7 ballga baholandi.
Zilziladan keyin yuzaga kelgan yong‘in Vadzima shahridagi (Isikava prefekturasi) bozorni butunlay vayron qildi. Shahar markazida ikki yuzdan ortiq binolar yong‘in oqibatida zarar ko‘rgan yoki vayron bo‘lgan.
Isikava prefekturasida sodir bo‘lgan eng kuchli zilzila magnitudasi 7,6 ballga baholanmoqda. So‘nggi ma’lumotlarga ko‘ra, mintaqada 92 kishi halok bo‘lgan, yana 50 ga yaqin kishi bedarak yo‘qolgan deb hisoblanmoqda.
Suzu shahri (Isikava prefekturasi) yo‘llari vayronalarga to‘lib ketgan, zilzila bu yerdagi ko‘plab binolarni yakson qilgan.
Kommunal xizmatchilar zilzila oqibatida shikastlangan elektr uzatish liniyalarini ta’mirlab, Suzu shahriga elektr energiyasini qaytarmoqda.
Isikava prefekturasining boshqa shaharlari, jumladan, 50 mingdan ortiq aholiga ega Nanao ham zilziladan jabr ko‘rdi.
Isikava prefekturasi yo‘llarida asfalt yorilib, ayrim avtomobillar chuqurlikka tushib ketgan.
Zilziladan jabr ko‘rgan prefektura aholisiga yer silkinishi oqibatida vayron bo‘lgan do‘konlardan tovarlarni bepul olib ketishga ruxsat berildi.
Zilzila oqibatida vayron bo‘lgan uylar aholisi vaqtinchalik boshpanalarga, jumladan, yer silkinishidan omon qolgan maktablarga joylashtirildi.
Ko‘ngillilar vayron bo‘lgan uylardan ko‘chirilgan odamlarga yordam bermoqda.
Zilziladan jabr ko‘rgan uylar aholisi zilzila takrorlansa, binolar qulab tushishidan qo‘rqib, eng kerakli narsalarni ko‘chadagi chodirlarga tashimoqda.
Buzilgan yo‘llar Isikava prefekturasining ko‘plab jamoalarini mamlakatning qolgan qismidan uzib qo‘ydi.
