Norvegiyada kuchli qor sababli bir qancha maktablar yopildi

Norvegiya janubidagi bir qancha shaharlarda maktablar yopildi. Bunga kuchli qor yog‘ishi sabab bo‘lgan.

Norvegiyaning aksar hududlarida bir necha soat ichida bir metrdan ortiq qor yog‘di. Odamlar uylardan chiqish yo‘llarini qazib, qor ko‘chkilari ostidan mashinalarni izladi.

Mamlakatning ayrim hududlarida aholi elektr energiyasisiz qoldi, avtobus va poyezdlar qatnovi bekor qilindi.

Avvalroq Finlyandiyada sovuq harorat rekordi yangilangan edi. U yerda - 42,5 daraja sovuq harorat qayd etilgan.