Pentagon rahbari Lloyd Ostin kasalxonaga yotqizildi

AQSH Mudofaa vaziri Lloyd Ostin tibbiy muolajadan keyin yuzaga kelgan asoratlar tufayli kasalxonaga yotqizildi, dedi Pentagon matbuot kotibi Patrik Rayder.

Ostin 1-yanvar kuni “odatiy tibbiy muolaja”dan kelib chiqqan asoratlar tufayli kasalxonaga yotqizilgan. Boshqa tafsilotlar keltirilmagan, vazirning o‘zi vaziyatga izoh bermagan.

“U tuzalmoqda va bugun to‘liq vazifalariga qaytishi kutilmoqda”, — deyiladi 5-yanvardagi xabarda.

2022-yil avgust oyida Ostin koronavirus bilan kasallangan edi. U COVID-19 uchun test natijalari musbat chiqqani haqida xabar bergan va besh kun davomida uyda qolishini qo‘shimcha qilgan.

70 yoshli Ostin 2021-yilning yanvarida Pentagon rahbari lavozimini egallagan edi. U mamlakat harbiy vazirligini boshqargan birinchi afroamerikalik bo‘ldi.