Bloger Farrux Abdullayev notanish shaxs uni kaltaklab, telefonini tortib olganini aytdi 

Farg‘ona viloyatida bloger Farrux Abdullayev notanish shaxs uni kaltaklab, telefonini tortib olganini aytdi. Viloyat IIB holat yuzasidan ma’lumot berdi. 

Unga ko‘ra, videoxabar va unda keltirilgan holatlar Farg‘ona viloyati IIB tomonidan o‘rganib chiqildi. 8-yanvar fuqaro F.Abdullayev tomonidan notanish fuqaro unga kuch ishlatib, tan jarohati yetkazgani, haqoratlagani hamda qo‘l telefonini tortib olgani haqidagi 102 qisqa raqamiga qilingan murojaat Farg‘ona shahar IIO FMB tomonidan tegishli tartibda ro‘yxatga olingan. 

Hozirda tergovga qadar tekshiruv harakatlari olib borilmoqda. Shuningdek, viloyat IIB JXX YHXB xodimining xatti-harakatlariga qonuniy baho berish uchun xizmat tekshiruvi tayinlandi.