“Moskva Ukraina bilan tinchlikka erishish bo‘yicha hech qanday oldinga siljishni ko‘rmayapti” — Peskov

Moskva Ukraina bilan tinchlikka erishish bo‘yicha hech qanday oldinga siljishni ko‘rmayapti. Bu haqda Rossiya prezidenti matbuot kotibi Dmitriy Peskov jurnalistlarga ma’lum qildi, deb yozadi “TASS” agentligi.

“Tinchlik jarayonlariga keladigan bo‘lsak, bu bo‘yicha hozircha hech qanday oldinga siljish yo‘q”, — dedi Peskov.

“Zelenskiy taklif etayotgan “tinchlik formulasi” mutlaqo tushunarsiz: bir qator mamlakatlar Rossiya ishtirokisiz qandaydir kelishuvlarni muhokama qilmoqda. Juda g‘alati jarayon, lekin bunda hech qanday jiddiy jarayon yo‘q”, — dedi Peskov Kremlning rasmiy pozitsiyasini bildirar ekan.