AQSH hozircha Yaqin Sharqqa qo‘shimcha kuchlar yuborishni rejalashtirmayapti

AQSH hozircha Yaqin Sharq mintaqasiga qo‘shimcha harbiy qismlarni yuborishni rejalashtirmayapti.

Bu haqda Pentagon matbuot kotibi Patrik Rayder ma’lum qildi. “Mintaqaga qo‘shimcha AQSH kuchlarini yuborish rejamiz yo‘q”, — dedi u.

Shu bilan birga, uning qo‘shimcha qilishicha, Pentagon kerak bo‘lsa, dunyoning istalgan nuqtasida Amerika harbiy kuchlari sonini oshirishga qodir.

12-yanvarga o‘tar kechasi AQSH va Britaniya qurolli kuchlari samolyotlar, kemalar va suvosti kemalaridan foydalangan holda Yamandagi husiylarning “Ansor Alloh” harakati nishonlariga zarba berdi. AQSH prezidenti Jo Bayden bu operatsiya Qizil dengizdagi husiy hujumlariga javob bo‘lib, mudofaa xarakteriga ega ekanligini ma’lum qildi.