Belgiya Moliya vazirligi Rossiya aktivlarini musodara qilish boshlanganini e’lon qildi
Belgiya moliya vaziri Vinsent van Petegem Yevropa Ittifoqi Rossiya bankining muzlatilgan aktivlarini hibsga olish bo‘yicha texnik ishlarni boshlaganini aytdi. Gap 300 milliard dollar haqida ketmoqda.
“Biz dekabr oyida Yevrokomissiya va Yevropa Ittifoqi diplomatiyasi rahbaridan olingan takliflarni tahlil qildik va bu masalada tezkorlik bilan harakat qilish niyatimiz borligini tasdiqladik. Texnik darajadagi ishlar allaqachon boshlangan va biz tez orada ijobiy natijaga erishish niyatidamiz”, — deb yozdi vazir X (sobiq Twitter) ijtimoiy tarmog‘ida.
2022-yilda Ukraina hududida harbiy harakatlar boshlanganidan so‘ng, Yevropa Ittifoqi Rossiyaning Yevropadagi 300 milliard dollarlik aktivlarini muzlatib qo‘ydi. Bu haqda Rossiya Moliya vazirligi rahbari Anton Siluanov ham aytib o‘tgandi.
2024-yil 6-yanvarda Ukraina prezidenti ittifoqchilarni aktivlarni Kiyevga topshirishni tezlashtirishga chaqirdi. Buning uchun zarur bo‘lgan qonun loyihasini muhokama qilish 2024-yilning fevraliga mo‘ljallangan bo‘lib, Ukraina hududida harbiy harakatlar boshlanganining ikki yilligidan oldin jarayon boshlanishi kerak.
Aktivlarni topshirish Kiyevga qo‘shimcha moliyaviy yordam sifatida qabul qilingan chora bo‘lishi mumkin. Kreml Rossiyaning aktivlari musodara qilinishiga xuddi shunday javob qaytarishga va’da berdi.
