Olmaotada qalin qor yog‘ib, 10 ballik tirbandlik yuzaga keldi (foto)

Olmaotada 16-yanvar kuni kechqurun boshlangan qor 17-yanvar kuni ertalab 19 santimetrga yetdi. “2GIS” ges-servisi maʼlumotlariga ko‘ra, shahar ko‘chalarida ertalabdan 9-10 ball tirbandlik kuzatilgan.

Olmaota hokimligi ma’lum qilishicha, qordan tozalash ishlari kecha-kunduz davom etmoqda.

“Tunda 421 ta maxsus texnika ishlagan bo‘lsa, ertalab 425 ta maxsus texnika, jumladan 146 ta qum sepuvchi va 1 143 nafar yo‘l ishchilari jalb qilingan. Soat 02:30 dan boshlab yo‘l-patrul xizmati avtomashinalari hamrohligida 13 ta kolonna qordan tozalandi”, — deyiladi hokimlik matbuot xizmati xabarida.

Ertalab soat beshdan boshlab shaharda piyodalar yo‘laklari qordan kuralmoqda, avtobus bekatlari, yo‘l o‘tkazgichlar tozalanmoqda.