Osiyo Kubogi. Qatar Xitoyni kichik hisobda mag‘lub etdi, Tojikiston Livan ustidan irodali g‘alabaga erishdi
Futbol bo‘yicha Osiyo Kubogi guruh bosqichining 3-turidan o‘rin olgan o‘yinlar 22-yanvar, dushanba kuni bo‘lib o‘tdi.
A guruhida Qatar Xitoyga qarshi bahs olib borib, 1:0 hisobida mag‘lub etdi. Uchrashuvdagi yagona gol Hassan al-Haydos hisobiga yozildi.
Guruhning ikkinchi o‘yinida Tojikiston Livanga qarshi maydonga tushdi. Birinchi bo‘limda darvozalar daxlsizligi saqlanib qoldi. Ikkinchi bo‘lim boshida esa Livan gol urdi. Bassel Jradi raqib darvozasini ishg‘ol qildi. 56-daqiqada esa Livan futbolchisi Kassem el-Zein qizil kartochka olib, maydonni tark etdi.
Qolgan daqiqalarda terma jamoa bir kishi kam bo‘lib harakat qildi. Shundan so‘ng Tojikiston ketma-ket ikkita gol urdi. Dastlab, 80-daqiqada Parvizjon Umarbayev o‘z nomini tabloga yozdirgan bo‘lsa, o‘yin oxirida Nuriddin Hamroqulov jamoasiga g‘alaba keltiruvchi gol muallifiga aylandi.
Shu tariqa A guruhida bahslar yakunlandi. 3 turdan so‘ng turnir jadvali quyidagicha ko‘rinish oldi:
Osiyo Kubogi
3-tur bahslari
22-yanvar, dushanba
Qatar — Xitoy 1:0
Gol: 1:0 – 66 Al-Haydos.
Tojikiston — Livan 2:1
Gollar: 0:1 – 47 Jradi, 1:1 – 80 Umarbayev, 2:1 – 90 Hamroqulov.
