Toshkentdagi avtosalon xodimlariga jinoyat ishi qo‘zg‘atildi

Toshkentdagi My cars avtomarkazi odamlarni aldab ketgani haqida xabarlar tarqaldi. Bosh prokuratura axborot xizmati rahbari Hayot Shamsutdinov holat yuzasidan “Daryo”ga ma’lumot berdi.

Mazkur holat bo‘yicha Toshkent shahar IIBB TB Jinoyat kodeksining 168-moddasi 4-qismi “a” bandi (juda ko‘p miqdorda firibgarlik) bilan qo‘zg‘atilgan jinoyat ishi yuzasidan tergov olib borgan.

Jinoyat ishi doirasida besh kishi tergovga jalb qilingan. Ularning uch nafariga qamoq ehtiyot chorasi, ikki nafariga sirtdan qamoq ehtiyot chorasi qo‘llanib, qidiruv e’lon qilingan.

Hozirda tergov harakatlari yakunlanib, ish sudga yuborish arafasida turibdi.