Shavkat Mirziyoyev Pekindagi Xalq qahramonlari yodgorligi poyiga gulchambar qo‘ydi (foto)
Shavkat Mirziyoyev Xitoy xalqining qahramonlari xotirasiga hurmat bajo keltirdi, deb xabar bermoqda prezident matbuot xizmati.
Davlat tashrifi bilan Xitoyda bo‘lib turgan O‘zbekiston prezidenti 24-yanvar kuni Pekin shahridagi Tyananmen maydoniga tashrif buyurdi.
O‘zbekiston va XXR davlat madhiyalari yangradi. Davlat rahbari Xalq qahramonlari yodgorligi poyiga gulchambar qo‘yib, XIX-XX asarlarda Xitoy mustaqilligi va ozodligi yo‘lida qurbon bo‘lganlarning xotirasiga hurmat bajo keltirdi.
Tyananmen maydoni xitoy millatining ramziy yuragi hisoblanadi. 1949-yil 1-oktyabr kuni aynan shu yerda Xitoy Xalq Respublikasi tashkil etilgani e’lon qilingan. Xalq qahramonlari yodgorligi XX asrning o‘rtalarida bunyod etilgan.