Yigit qizga musht urib yiqitgani tasvirlangan video muallifi javobgarlikka tortildi (video) 

Ijtimoiy tarmoqlarda sevgan yigiti bilan tortishayotgan qizni musht urib yiqitgani tasvirlangan video tarqaldi. Farg‘ona viloyati IIB holat yuzasidan ma’lumot berdi. 

Unda aytilishicha, Instagram’da faoliyat olib boruvchi bloger biri sevgan yigiti bilan tortishayotgan qizni mush urib yiqitgani aks etgan videosi keng tarqalib, tarmoq foydalanuvchilari tomonidan ko‘plab muhokamalarga sabab bo‘ldi. Shu sababli ayol kishiga musht otish sahnasini uyushtirib, ijtimoiy tarmoqqa tarqatgan shaxs Ma’muriy javobgarlik to‘g‘risidagi kodeksning 189 prim 1-moddasiga asosan javobgarlikka tortildi 

“Sahifamga video joylagan edim. Bu tarmoq foydalanuvchilari orasida keng muhokamalarga sabab bo‘ldi. Videomiz javobgarlikka tortilishga asos bo‘lar ekan. Qilgan aybimdan pushaymonman, uzr so‘rayman. Qolganlardan bunday mazmunda video olmasliklarini, ijtimoiy tarmoqqa joylamaslikni so‘rab qolardim”, — deya uzr so‘ragan yigit.