Zelenskiy ofisi Zalujniy iste’foga chiqishi haqidagi xabarlarga munosabat bildirdi

Ukraina prezidenti ofisi rahbari maslahatchisi Mixail Podolyak Ukraina armiyasi qo‘mondoni Valeriy Zalujniy iste’foga chiqishi haqidagi mish-mishlarga javob berdi. Bu haqda “Fokus.ua” xabar berdi.

Podolyakning so‘zlariga ko‘ra, Zalujniy Ukraina prezidenti Vladimir Zelenskiyning menejeri hisoblanadi. Uning ishdan olinishi haqidagi mish-mishlarga doir muhokama g‘alati ko‘rinadi.

“Muhokama bo‘lishi mumkinmi? Men uchun bu umuman g‘alati ko‘rinadi. Shunday bo‘lsa-da, u prezidentning vertikali, uning menejeri – men umuman bosh qo‘mondonni nazarda tutyapman. U bevosita uning vertikali, u oliy bosh qo‘mondon formatida urush olib boradi”, — dedi Podolyak.

Shuningdek, u Zelenskiy o‘z qo‘l ostidagilar oldiga muayyan vazifalar qo‘yib, natijalarni baholashi mumkinligini ta’kidladi. Siyosiy jarayon emas, balki urush ketmoqda.

Podolyakning so‘zlariga ko‘ra, nafaqat harakatlarni, balki kelajak rejalarini ham baholash zarur. Bu normal jarayon.

“Bu men uchun umuman g‘alati, chunki urush davrida generallar va siyosat darajasidagi odamlar raqobati shunday ko‘rinadi. Bundan tashqari ushbu xabar rasmiy ravishda rad etilgan. Endi voqealar qanday rivojlanishini ko‘ramiz. O‘zgarishlar bo‘lsa, bu haqda xabar beramiz. Hozircha o‘zgarishlar yo‘q”, — deya qo‘shimcha qildi u.