Bayden Eronning Iroq va Suriyadagi obyektlariga zarbalar berilganini e’lon qildi

Qo‘shma Shtatlar Suriya va Iroqdagi Eron Islom inqilobi posbonlari korpusi (IIPK) va unga qarashli militsiya guruhlariga havodan zarbalar berdi. Bu haqda AQSH Markaziy qo‘mondonligi xabar berdi.

125 ta snaryad yordamida 85 dan ortiq nishonga zarba berildi, bunda ko‘p sonli samolyotlar, shu jumladan, AQSHdagi bazalardan uzoq masofaga uchuvchi bombardimonchilar qo‘llandi. Departamentning aniqlik kiritishicha, nishonlar — operativ va qo‘mondonlik markazlari, dron va raketalar omborlari, razvedka markazlari, logistika inshootlari hamda Amerika qo‘shinlari va boshqa koalitsiya kuchlariga hujum qilishga hissa qo‘shgan guruhlarning ta’minot zanjirlari bo‘lgan.

“Bugun bizning javobimiz boshlandi. Bu istalgan vaqtda va istalgan joyda davom etadi. Qo‘shma Shtatlar Yaqin Sharqda yoki dunyoning boshqa joylarida mojaroga intilmayapti. Ammo bizga zarar yetkazmoqchi bo‘lgan har bir kishi bilsinki, agar bir dona amerikalikka zarar yetkazsangiz, biz javob beramiz”, — dedi prezident Jo Bayden.

Oq uy zarbalarni muvaffaqiyatli deb atadi.