Maktabgacha va maktab taʼlimi vaziriga o‘rinbosarlar tayinlandi
O‘zbekiston prezidentining tegishli qaroriga asosan maktabgacha va maktab ta’limi vaziriga yangi o‘rinbosarlar tayinlandi. Bu haqda “Daryo” manbasi xabar berdi.
Sardor Rajabov maktabgacha va maktab ta’limi vaziri o‘rinbosari lavozimiga tayinlandi.
.jpg)
U hozirga qadar Maktabgacha va maktab ta’limi vazirligi departament rahbari lavozimida ishlab kelayotgan edi.
Shuningdek, Farhod Boqiyev maktabgacha va maktab ta’limi vaziri o‘rinbosari lavozimiga tayinlandi.
Tayinlovga qadar u Oliy Majlisi Senati qo‘mitasi raisi o‘rinbosari lavozimida ishlab kelgan.
Eslatib o‘tamiz, 2023-yilning yanvarida xalq ta’limi vazirining birinchi o‘rinbosari lavozimida ishlagan Usmon Sharifxo‘jayev maktabgacha va maktab ta’limi vaziri birinchi o‘rinbosari bo‘lgandi. Shuningdek, o‘shanda Temurjon Komilov, Dilshod Kenjayev, Uzoqboy Begimqulov maktabgacha va maktab ta’limi vaziri o‘rinbosarlari etib tayinlangan edi.
