Istanbuldagi sud binosiga uyushtirilgan hujumda jarohatlanganlar orasida O‘zbekiston fuqarolari yo‘q — O‘zbekiston Bosh konsulligi

Istanbuldagi sud binosiga uyushtirilgan qurolli hujum oqibatida 5 kishi jarohatlangani, otishma uyushtirgan erkak va ayol yo‘q qilingani haqida xabar berilgan edi.

Ikki nomaʼlum shaxs Chag‘layan sud binosiga kiraverishdagi xavfsizlik postiga hujum qilgan. Voqea mahalliy vaqt bilan soat 11:46 da (Toshkent vaqti bilan 13:46) sodir bo‘lgan. Otishma natijasida uch nafar politsiya xodimi yaralangan. Qurolli hujumni amalga oshirgan ayol va erkak esa halok bo‘lgan.

O‘zbekistonning Istanbuldagi Bosh konsulxonasi xabar berishicha, yaralangan va hujum qilganlar orasida O‘zbekiston fuqarolari borligi haqida Bosh konsulxonaga xabar kelib tushmagan.