Kubalik ayol MIB sababli o‘zbekistonlik eri bilan yarashib oldi 

Toshkentda kubalik ayol MIB aralashuvi bilan eri bilan yarashib oldi. Bu haqda Majburiy ijro byurosi axborot xizmati “Daryo”ga xabar berdi. 

Maʼlumotga ko‘ra, Majburiy ijro byurosining  Mirzo Ulug‘bek tuman bo‘limi ish yurituvida fuqarolik ishlari bo‘yicha Mirzo Ulug‘bek tumanlararo sudining ijro hujjatiga asosan qarzdor M.N.dan undiruvchi L.B. foydasiga 1 nafar voyaga yetmagan farzandi taʼminoti uchun to‘rtdan bir qismi miqdorida aliment undirish haqidagi ijro ishi mavjud.

Mazkur ijro ishi bo‘lim ish yurituviga kelib tushgan bo‘lib, ijro harakatlari davomida davlat ijrochisining huquqiy tushuntirish va targ‘ibot tadbirlari davomida ijro ishi yurituvi tamomlangan bo‘lib, natijada oila yarashtirilishiga erishilgan.