“Oqdaryotumangaz” bo‘lim boshlig‘i pora olayotganda ushlandi
DXX Samarqand viloyati boshqarmasi tomonidan poraxo‘rlikka qarshi kurashish yo‘nalishidagi tadbirlar davom ettirilmoqda, deb xabar bermoqda O‘zA.
Maʼlum qilinishicha, o‘tkazilgan tezkor tadbirda “Oqdaryotumangaz” taʼminoti bo‘limi boshlig‘i, 1973-yilda tug‘ilgan N.M. (ism-familiya shartli) mahalliy fuqaroning yashash xonadoniga elektron gaz hisoblagich o‘rnatish va uni tarmoqqa ulab berish xizmati evaziga undan 4 mln so‘m pul talab qilib, dastlab 2 mln so‘mini por sifatida olgan hamda yana 1 mln so‘m olayotgan vaqtida qo‘lga olindi.
Holat yuzasidan N.M. ga nisbatan Jinoyat kodeksining 210-moddasi (pora olish) bilan jinoyat ishi qo‘zg‘atilib, tergov harakatlari olib borilmoqda.