Koreyaga ishga ketish uchun ro‘yxatdan o‘tish to‘xtatildi 

Koreya Respublikasida ishlash istagidagi fuqarolar uchun ro‘yxatdan o‘tish to‘xtatildi, deb xabar bermoqda Tashqi mehnat migratsiyasi agentligi axborot xizmati. 

Unga ko‘ra, Koreyada E-9 vizasi asosida ishlab chiqarish, qurilish, qishloq xo‘jaligi va xizmat ko‘rsatish sohalarida ishlash maqsadida yo‘nalishlar bo‘yicha ro‘yxatdan o‘tgan nomzodlar soni belgilangan chegaraga yetgani sababli ro‘yxatdan o‘tish jarayoni to‘xtatildi.

Ro‘yxatdan o‘tish maqsadida “Milliy bank”ning mobil ilovasi orqali to‘lovni bir martadan ortiq amalga oshirgan va ro‘yxatdan o‘ta olmagan fuqarolarning pul mablag‘lari “Milliy bank” tomonidan 3 ish kuni davomida to‘lov amalga oshirilgan plastik kartaga avtomatik ravishda qaytarib beriladi.