AQSHdagi paradda otishma: 22 kishi yaralandi (video)
AQSHning Missuri shtati Kanzas-Siti shahridagi otishmada bir kishi halok bo‘ldi, 22 kishi yaralandi. Bu haqda shahar politsiyasi boshlig‘i Steysi Greyvzga tayanib, CNN xabar berdi.
Hodisa Amerika futbol chempionati yoki “Superboul” g‘oliblarini sharaflashga bag‘ishlangan parad yakunida yuz bergan. Uch kishining ahvoli o‘ta og‘ir, besh kishiniki og‘ir. Mahalliy politsiya ikki nafar qurollangan erkakni qo‘lga olgan.
OAV ma’lumotlariga ko‘ra, paradga jami 1 millionga yaqin odam kelgan, huquq-tartibot idoralarining 600 nafar xodimi huquq-tartibotni taʼminlashi kerak edi. Kanzas-Sitidagi otishma 2024-yil boshidan beri AQSHda sodir bo‘lgan 48-otishma ekani aytilmoqda.
Missuri shtatida 2013-yildan beri kamida 154 ta ommaviy otishma sodir bo‘lib, 582 kishi yaralangan va 156 kishi halok bo‘lgan. Umumiy hisoblar hali 2024-yil 14-fevralda Kanzas-Sitidagi otishmani aks ettirmaydi.
