O‘zbekistonning oltita viloyatida qor ko‘chish xavfi e’lon qilindi

“O‘zgidromet” oltita viloyatda qor ko‘chish xavfi borligidan ogohlantirdi.

Ma’lum qilinishicha, 23—29-fevral kunlari yog‘ingarchilik hamda havo haroratining o‘zgarishi kutilmoqda. Shu sababli respublikaning tog‘li hududlarida qor ko‘chish xavfi e’lon qilindi.

Jumladan:

• Qashqadaryo viloyati Dehqonobod, Kitob, Qamashi, Shahrisabz tumanlarida;
• Surxondaryo viloyati Boysun, Qumqo‘rg‘on, Sariosiyo, Uzun tumanlarida;
• Samarqand viloyati Nurobod, Qo‘shrobod, Samarqand, Urgut tumanlarida;
• Jizzax viloyati Baxmal, Zomin tumanlarida;
• Toshkent viloyati Bo‘stonliq, Parkent, Ohangaron tumanlari (Chotqol tizmasi tog‘lari);
• Namangan viloyati Pop tumanida.

Tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan, ehtiyotkorlik choralarini ko‘rish so‘raldi.