Turkmaniston uchta davlatni gaz va elektr energiyasi bilan ta’minlamoqchi
Turkmaniston Qozog‘istonga tabiiy gaz va elektr energiyasi eksport qilishi mumkin. Bu haqda turkman xalqi milliy yetakchisi, Turkmaniston xalq maslahati raisi Gurbanguli Berdimuhamedovga tayanib, TDH agentligi xabar berdi.
Berdimuhamedovning so‘zlariga ko‘ra, Turkmaniston global energiya bozorlarining umuman beqaror sharoitida samarali, ishonchli, o‘zini o‘zi ta’minlovchi hamkorlik modelini yaratish zarur deb hisoblaydi. Bu davlatlarning energiyaga bo‘lgan ehtiyojini qondiradi.
Turkmaniston qardosh mamlakatlarga energiya resurslarini yetkazib berishga va eksport hajmini oshirishga tayyor, — dedi turkman xalqi milliy rahbari.
Hozirda Turkmaniston O‘zbekiston va Qirg‘izistonga elektr energiyasi eksport qilmoqda. Shu bilan birga, Turkmaniston tabiiy gazini sharqqa jo‘natish bo‘yicha ushbu davlatlar ishtirokida yirik loyihalarni amalga oshirish rejalashtirilmoqda.
Turkmaniston tabiiy gazi va elektr energiyasini Qozog‘iston, Ozarbayjon va Turkiyaga eksport qilish uchun ham yaxshi imkoniyatlarga egamiz. Biz qardosh mamlakatlarga energiya xavfsizligini taʼminlashda yordam ko‘rsatishni davom ettirishga tayyormiz, — deya xulosa qildi Gurbanguli Berdimuhamedov.
Uning so‘zlariga ko‘ra, Turkmaniston kelajakda doimiy ishlaydigan integratsiyalashgan energiya uzatish tizimini yaratishi mumkin. Bunda turkiy davlatlar geografik yaqinlik, resurs salohiyati va ta’minot vositalari afzalliklaridan to‘liq foydalana oladi.
