Фаластин президенти Маҳмуд Аббос 5 ноябрь куни АҚШ давлат котиби Энтони Блинкен билан учрашувда Исроилнинг Ғазо секторидаги “геноцид”ини қоралади. Бу ҳақда Ал Arabia хабар берди.
![](/static/2023/photo_2023-11-05_20-17-51.jpg)
“Ғазо секторидаги Фаластин халқимиз Исроил ҳарбий машинаси томонидан, халқаро ҳуқуқ тамойилларини ҳисобга олмасдан, бошдан кечирган геноцид ва вайронагарчиликни таърифлашга сўзим йўқ”, — деди Аббос Блинкен билан учрашувда.
Сиёсатчилар ўртасидаги учрашув бир соатдан кам давом этди. Рамаллоҳда бўлиб ўтган учрашувнинг асосий хулосалари қуйидагилар:
- Аббос Блинкенга “зудлик билан ўт очишни тўхтатиш” ва Ғазо секторига гуманитар ёрдамнинг кириб келишига рухсат бериш зарурлигини айтди;
- Блинкен АҚШнинг Ғазога инсонпарварлик ёрдами етказиш, шунингдек, қамал қилинган зонада асосий хизматларни тиклашни таъминлаш мажбуриятини яна бир бор тасдиқлади;
- АҚШ расмийларига кўра, Блинкен фаластинликлар мажбуран кўчирилиши керак эмаслигини айтган ва Вашингтон мустақил Фаластин давлатини барпо этиш интилишларини рўёбга чиқариш учун ҳаракат қилишга содиқ эканини билдирган;
- Блинкен ўт очишни тўхтатишга чақирмаган;
- АҚШ Давлат департаментининг юқори мартабали мулозимининг айтишича, Блинкен Аббосга Фаластин “Ғазо секторида кейинги воқеаларда” марказий рол ўйнаши кераклигини айтган.
Изоҳ (0)