Hech kim sog‘liq muammolaridan himoyalanmagan va mashhurlikning ham bunga hech qanday aloqasi yo‘q. Quyidagi mashhurlarga saraton tashxisi qo‘yilgan va deyarli barchasi kasallik bilan muvaffaqiyatli kurashgan, deb yozadi The Voice Mag nashri.
Jeff Bridges
2020-yil oktabr oyida aktyor limfoma bilan kasallanganligini e’lon qildi: “Menga kuchli shifokorlar jamoasi yordam beradi va yaxshi taxminlar bor, shu bois sizlarni salomatligim haqida xabardor qilib turaman”, — deb ta’kidlagan edi aktyor.
Shennon Doerti
2015-yilda aktrisaga ko‘krak bezi saratoni tashxisi qo‘yilgan. Ikki yil o‘tgach, u remissiya haqida gapirdi, ammo 2020-yil boshida kasallik yana qaytdi. Shennonga saratonning 4-bosqich tashxisi qo‘yilgan va u davolanishni davom ettirmoqda.
Kayli Minoug
2005-yilda qo‘shiqchiga ko‘krak bezi saratoni tashxisi qo‘yilgan. U kimyoterapiya va jarrohlik amaliyotidan o‘tdi va kasallik remissiya davriga kirdi.
Robert de Niro
2003-yilda aktyorga prostata saratoniga chalingani ma’lum bo‘lgan. Kasallik erta bosqichda tashxislangan, shuning uchun u butkul davolana oldi va endi bu haqda eslashni istamaydi.
Maykl Duglas
2010-yilda Maykl Duglas til saratoniga chalinganini bildi. Aktyor bu kasallikni yengib o‘tdi.
Ben Stiller
2014-yilda bu aktyorga ham prostata saratoni tashxisi qo‘yilgan edi. O‘simta olib tashlangan, kasallik remissiyada. Ben esa boshqa hech narsa uning filmlarda rol o‘ynashiga to‘sqinlik qilmasligiga umid qilmoqda.
Xyu Jekman
2013-yilda aktyorning burnida karsinoma topilgan edi. U bir necha marta kimyoterapiya va jarrohlik muolajalarini boshdan kechirdi. O‘shandan beri Xyu muntazam ravishda tekshiriladi va uydan quyoshdan himoyalovchi kremsiz chiqmaydi.
Brijit Bardo
Aktrisa 1983-yilda dahshatli tashxis haqida eshitdi va bu taqdir deb hisoblab, davolanishdan bosh tortdi. Yaxshiyamki, do‘stlarining biri uni hayotini saqlab qolishga ko‘ndirdi va kasallik yengildi.
Izoh (0)