Тошкентдаги қорли манзаралар — суратларда

Ҳафта бошида Ўзбекистоннинг аксарият қисмида қор ёғиши ҳақида хабар берилган ва «Ўзгидромет» душанба куни қор ёғадиган ҳудудларни эълон қилган эди.

Унга кўра, Тошкент шаҳрида ҳаво ўзгариб туриб, вақти-вақти билан қор ёғиши, туман тушиши мумкинлиги қайд этилган эди. Йўлларда яхмалак юзага келиши, шамол шимоли-шарқдан 5-10 метр/секунд тезликда эсиб, ҳарорат кечаси 3-5 даража совуқ, кундузи 1-3 даража совуқ бўлиши билдирилган.

Кейинроқ «Тошшаҳартрансхизмат» Тошкентда ноқулай об-ҳаво сабаб автобуслар оралиқ интервал вақтлари ортиши мумкинлигини маълум қилди. Ҳозирча изғирин совуқ ҳафта охиригача сақланиб қолиши айтилмоқда.

«Дарё» фотомухбири Мадина Нурман Тошкентда ҳукм сураётган қорли манзараларни кадрларга муҳрлади.